Stoilkoviq: Festat e mëdha fetare janë kujtesë e vlerave universale që na bashkojnë

Urim nga zëvendës kryetari i Qeverisë dhe ministri Stoilkoviq me rastin e Ramazan Bajramit

– Të nderuar qytetarë të besimit islam, më lejoni që, në emrin tim personal dhe në emër të Ministrisë për Marrëdhënie ndërmjet Bashkësive, t’ju shpreh urimet e mia të sinqerta me rastin e festës së madhe myslimane, Ramazan Bajramit.

Pas përfundimit të muajit të shenjtë të Ramazanit, muaj i agjërimit, përkushtimit shpirtëror dhe solidaritetit, ju uroj që ditët festive t’i kaloni në paqe, shëndet të mirë, gëzim dhe qetësi, të rrethuar nga familja dhe më të dashurit tuaj. Lutjet tuaja qofshin të pranuara, ndërsa vlerat e humanizmit, tolerancës, respektit të ndërsjellë dhe mirëkuptimit të ndërsjellë të jenë udhërrëfyese në përditshmërinë e të gjithë besimtarëve.

Festat e mëdha fetare janë një kujtesë për vlerat universale që na bashkojnë, për kujdesin ndaj tjetrit, dorën e shtrirë për ata që kanë nevojë për ndihmë dhe kultivimin e bashkëjetesës. Vetëm përmes respektit të ndërsjellë, përgjegjësisë dhe përpjekjeve të përbashkëta mund të ndërtojmë një shoqëri të drejtë, gjithëpërfshirëse dhe të begatë, në të cilën të gjithë qytetarët do të ndihen të barabartë dhe të respektuar, pavarësisht përkatësisë së tyre fetare apo etnike.

Le të sjellë kjo festë paqe në zemrat tuaja, qetësi në shpirtrat tuaj, gëzim dhe harmoni në shtëpitë tuaja, ndërsa begatia shpirtërore e këtyre ditëve le të jetë nxitje për përparim personal dhe të përbashkët gjatë gjithë vitit. Gëzuar Ramazan Bajramin!, thuhet në urimin festiv të zëvendës kryetarit të Qeverisë së RMV-së dhe ministrit për Marrëdhënie ndërmjet Bashkësive, z. Ivan Stoilkoviq.