Në emrin tim personal dhe në emër të Ministrisë për Marrëdhënie ndërmjet Bashkësive, më lejoni t’ju uroj 2 Gushtin, Ilindeni – Ditën e Republikës – një nga datat më të thella në kujtesën historike dhe kolektive të popullit dhe shtetit maqedonas.
Duke e nderuar Ilindenin, ditën që na bashkon dhe na frymëzon, ne shprehim respekt për veprat historike dhe themelet e vlerave mbi të cilat u ndërtua ideja për liri, drejtësi dhe bashkëjetesë.
Ilindeni i sotëm na kujton përgjegjësinë që mbajmë – ta ruajmë dhe ta përparojmë Republikën, të kultivojmë vlerat e unitetit, solidaritetit dhe mirëkuptimit, dhe të punojmë për një të ardhme në të cilën çdo qytetar do të ndihet i denjë dhe i barabartë.
Gëzuar 2 Gushti, Ilindeni – Dita e Republikës! Le të jetë mesazhi i tij për unitet, dinjitet dhe vizion për një të nesërme më të mirë udhërrëfyesi ynë, thuhet në urimin e zëvendëskryeministrit të Qeverisë së RMV-së dhe ministrit për Marrëdhënie ndërmjet Bashkësive, Ivan Stoilkoviq.