По повод 24 Мај – Денот на сесловенските просветители Св. Кирил и Методиј, упатувам искрени честитки до сите граѓани со порака за значењето на писменоста, образованието и културниот развој како темели на современото општество.

Овој ден е потсетник на историското дело на светите браќа, чие просветителство остави длабока и трајна вредност во развојот на словенската култура, јазик и образование. Нивната мисија претставува силна основа за градење општества што се темелат на знаење, дијалог и меѓусебно почитување.

Наследството на Кирил и Методиј не е само дел од минатото, туку активен поттик за унапредување на образовните процеси, заштита на јазичната разновидност и негување на културниот идентитет. Инвестирањето во образованието и писменоста останува клучен предуслов за одржлив развој, општествена кохезија и напредок.

Нека 24 Мај биде можност да ја потврдиме нашата определба за поддршка на знаењето и образованието, како и за зачувување на културното наследство, како заедничка вредност што нè обединува и нè води кон посветла иднина.

Честит 24 Мај – Денот на сесловенските просветители, порача во својата честитка заменик-претседателот во Владата на РС Македонија и министер за односи меѓу заедниците, г. Иван Стоилковиќ.